इटहरीले जित्यो प्रथम जाँते भेट्रान्स कपको उपाधि

-राजु गौतम ।  लेटाङ । प्रथम जाँते भेट्रान्स कपको उपाधि इटहरीले जितेको छ । सोमबार भएको फाइनल खेलमा केराबारी भेट्रान्स क्लवलाई ६–० को फराकिलो अन्तरले पराजित गर्दै इटहरी भेट्रान्स क्लवले उपाधि हात पारेको हो । लेटाङ ९ जाँतेको साकेला खेल मैदानमा सम्पन्न फाइनल खेलमा इटहरी भेट्रान्स क्लवले केरावारी विरुद्ध सानदार जित हात पार्दै उपाधि चुमेको हो ।

जाँते भेट्रान्स क्लबको आयोजनामा सम्पन्न प्रतियोगिताको उपाधि विजेता इटहरीले  ट्रफी सहित ५१ हजार र उपविजेता केरवारीले ट्रफी सहित ३१ हजार हात पारेको छ । झापा, मोरङ र सुनसरीका ८ वटा भेट्रान टीमको सहभागिता रहेको प्रतियोगिता भदौ १८ गतेबाट २५ गतेसम्म सञ्चालन भएको हो ।