राजविराज । रुपनी गाउँपालिका–३, कटैयामा शुक्रबार बिहान करेन्ट लागेर एक व्यक्तिको ज्यान गएको छ।
जिल्ला प्रहरी कार्यालय सप्तरीका अनुसार करेन्ट लागेर स्थानीय ४२ वर्षीय शम्भुकुमार इसरको घटनास्थलमै मृत्यु भएको हो।
प्रहरी प्रवक्ता डीएसपी जितेन्द्रकुमार बस्नेतका अनुसार इसर धान खेतमा जडान गरिएको विद्युत् मोटर खोल्ने क्रममा त्यहाँ रहेको नाङ्गो तारमा छोइएपछि करेन्ट लागेको थियो।
