कञ्चनरुप । सप्तरीमा हालसम्म एचआईभी संक्रमित फेला परेको तयाकंक हेर्दा दुईवडा पालिका उच्च जोखिम रहेको देखिन्छ ।
३७औँ विश्व एड्स दिवस अवसरमा आयोजित कार्यक्रममा सहयोगी समाजका कार्यक्रम संयोजक प्रदिप लामिछानेले सप्तरीमा हालसम्म १८७ जना एचआईभी संक्रमित फेला परेको बताएका छन ।
सप्तरीका १८ वटै पालिकाहरूमध्ये राजबिराज कञ्चनरुप नगरपालिका जोखिम उच्च रहेको कार्यक्रम संयोजक लामिछानेले बताए ।
राजबिराज नगरपालिका मा पुरुष ८, महिला १० र अन्य २ गरि जम्मा २० जना एचआईभी संक्रमित रहेका छन भने जिल्लाकै अर्को कञ्चनरुप नगरपालिका १९ जना संक्रमित रहेको छन जसमा ८ पुरुष, ८ महिला, १ जना अन्य लिंगी र २ जना वेपत्ताको सुचिमा छन ।
त्यस्तै शम्भुनाथ नगरपालिकामा पुरुष ६, महिला ४ र अन्य १ गरि जम्मा ११ जना खडक गरपालिकामा पुरुष १० र महिला ६ गरि जम्मा १० ,सुरुन्ङ्गा नगरपालिकामा २ जना पुरुष ,बलान बिहुल गाउपालिकामा पुरुष ४ र महिला ४ गरि जम्मा ८ जना, बोदेबर्सन नगरपालिकामा पुरुष ६ र महिला १ गरि जम्मा ७ जना रहेका संयोजक लामिछानेले बताए ।
यसैगरी डाक्नेश्वरी नगरपालिकामा पुरुष ८ र महिला ७ गरि जम्मा १५ जना , छिन्नामस्ता गाउपालिकामा पुरुष ७, महिला ७ र अन्य १ गरि जम्मा १७ जना , हनुमान नगर नगरपालिकामा पुरुष ८ र महिला ९ गरि जम्मा १७ जना भन भने कृष्ण शवरन गाउपालिकामा पुरुष २ र महिला ५ गरि जम्मा ७ जना रहेको उल्लेख छ ।
यता महादेव गाउपालिकामा पुरुष १ र महिला १ गरि जम्मा २ जना, तिलाठि कोइलाडि गाउपालिकामा पुरुष २ जना ,बिशनुपुर गाउपालिकामा २ जना पुरुष रुपनी गाउपालिकामा १ जना पुरुष र २ जना महिला गरि जम्मा ३ जना छन भने राजगड गाउपालिकामा पुरुष २ , महिला ३ अन्य १ गरि जम्मा ७ जना , सप्तकोसी गाउपालिकामा १ जना पुरुष र १ जना महिला गरि जम्मा २ जना छन उस्तै तिहुत गाउँ पालिकामा पुरुष २ र महिला १ गरि जम्मा ४ जना संयोजक लामिछानेले बताए ।
सप्तरीको कञ्चनरुप नगरपालिकाले ३७औं विश्व एड्स दिवसको अवसरमा जनचेतनामूलक ¥याली सम्पन्न गरेको छ। “एड्स अन्त्यका लागि सबैको अधिकार सुनिश्चित गरौँ” भन्ने नाराका साथ आयोजना गरिएको ¥याली कंचनपुर वेरियरबाट सुरु भई नगरपालिकाको प्राङ्गणमा पुगेर समापन भएको थियो ।
