Logo

सप्तरीमा दुई जना कोरोना संक्रमितको मृत्यु

Kanchan 24 २१ बैशाख २०७८, मंगलवार १५:०५ मा प्रकाशित

कञ्चनरुप।
सप्तरीमा (कोभिड)१९) कोरोनाको उपचारमा रहेका दुई जना विरामारीको आज उपचारकै क्रममा मृत्यु भएको छ ।
विपी कोइराला स्वास्थ्य विज्ञान प्रतिष्ठान धरानमा उपचारमा रहेका सप्तकोशी नगरपालिका–१ स्थित राष्ट्रिय माध्यमिक विद्यालयमा कार्यरत ४५ वर्षीय शिक्षक र हनुमाननगर कंकालीनी नगरपालिका–२ का ३५ वर्षीय पुरुषको विराटनगरस्थित नोबेल अस्पतालमा मृत्यु भएको जनाइएको छ ।
विपी कोइराला स्वास्थ्य विज्ञान प्रतिष्ठान धरान मातहतमा रहेको कोभिड–१९ अस्पतालमा उपचारमा रहेका शिक्ष ज्वरो आएर स्वास फेर्न समस्या भएपछि उनलाई बैशाख ८ गते अस्पताल भर्ना गरिएको थियो । एक सातादेखि उनलाई आइसियुमा राखेर उपचार हुँदै आएकोमा विहान उनको मृत्यु भएको सोही विद्यालयमा कार्यरत शिक्षक महेश मास्केले जानकारी दिए ।
यता हनुमाननगर कंकालीनी नगरपालिका–२ का ३५ वर्षीय पुरुष वैशाख १७ गते विराटनगरस्थित नोबेल अस्पतालमा भर्ना थियो ।उनको पनि बिहान पौने ६ बजे मृत्यु भएको छ ।
यसअघि शनिबार विराटनगरस्थित नोबेल शिक्षण अस्पतालमा उपचाररत राजविराज नगरपालिका–९ का ४५ वर्षीय र बिहीबार धरानस्थित प्रतिष्ठानमा उपचाररत अग्नीसाइर कृष्णसवरण गाउँपालिका–५ का २४ र्षीय संक्रमित युवकको मृत्यु भएको थियो। योसँगै सप्तरीमा ४५ जनाको मृत्यु भएको जिल्ला स्वास्थ्य कार्यालयले जनाएको छ।


लोकप्रिय समाचार
ताजा समाचार
ट्रेंडिंग समाचार