लेटाङ । सिद्धार्थ युथ क्लव लेटाङले दुर्घटनाको जोखिम कम गर्ने उद्देश्यले लेटाङ कानेपोखरी सडकखण्डमा ट्राफिक चीन्ह अंकित बोर्ड राखेको छ । चाडवर्पको समयमा सवारी दुर्घटना हुने बढी जोखिम रहेकाले जोखिम न्यूनिकरणका लागि सवारी चालकलाई सचेत गराउन ट्राफिक चिन्ह राखिएको क्लवले जनाएको छ ।
दुर्घटनाग्रस्त क्षेत्र, वन्यजतु आवत जावत हुने क्षेत्र, गति समिति, रोक हेर जाउँ जस्ता ट्राफिक चिन्ह तथा लेटाङ नगरपालिकामा स्वागत छ लेखिएको बोर्ड जडान गरिएको क्लवका उमेश चाम्लिङले जानकारी दिनुभयो । यसैगरि क्लवले सडकमा खाल्डो परेको ठाउँमा दुर्घटना बढ्न सक्ने भन्दै खाल्डाखुल्डी पनि पुर्ने काम गरेको छ । क्लवको आफ्नै खर्चमा सामाजिक काम गर्ने अभियान अन्तरगत ट्राफिक सचेतना जगाउने बोर्ड राख्ने काम गरिएको चाम्लिङले जानकारी दिनुभयो ।
सो अवसरमा क्लवका पदाधिकारी र सदस्यहरु तथा ट्राफिक प्रहरी पोष्ट लेटाङका सनम राईको समेत सहभागिता रहेको थियो । क्लवले यसअघि लेटाङ कानेपोखरी सडकखण्डमा चोरीका घटना बढेको समयमा सडक आसपासको झाडी फाँड्ने काम पनि गरेको थियो ।
