जाँते । शान्तिदीप बौद्ध विहार लेटाङ ९ जाँतेको आयोजनामा वौद्ध भीक्षुहरुको भीक्षाटन कार्यक्रम सम्पन्न भएको छ । लेटाङ ८ जाँते बजारबाट सुरु भएको भीक्षाटन कार्यक्रम जाँते पथरी सडक हुँदै लेटाङ ९ जाँतेस्थित शन्तिदीप वौद्ध विहारमा पुगेर सम्पन्न भएको छ ।
जाँतेमा पहिलोपटक भीक्षुहरु भीक्षाटनमा आउँदा स्थानीयवासीले घरघरबाट चामल, पैसा, फलफूल लगायतका भीक्षासहित सडकमा निस्किएर भीक्षा प्रदान गरेका छन् । हिन्दू, वौद्ध, किराँत लगायतका सबै धर्मावलम्वीहरुले स्वतस्फूर्त रुपमा भीक्षादान गरेका थिए । भीक्षाटनमा देशका विभिन्न ठाउँका भीक्षुहरु सहभागी भएका थिए भने शान्तिदीप वौद्ध विहारका सञ्चालहरुले सहजीकरण गरेका थिए ।
भीक्षादान गरेमा पितृमोक्षका साथै पुण्य प्राप्त हुने जनविश्वास रहेको छ । भगवान गौतम बुद्धले वुद्धत्व प्राप्त गर्नु अघि समेत भीक्षाटन गरेकाले सोही अनुशार वौद्ध धर्ममा भीक्षाटनको विशेष महत्व रहेको वुद्ध अनुयायी वीवी रखाल मगरले जानकारी दिनुभयो ।
