लेटाङ । दलित उत्थान समन्वय समिति लेटाङ ९ ले वडाका दलित समुदायका विपन्न परिवारका वालवालिकाहरुलाई विद्यालय पोशाक वितरण गरेको छ । लेटाङ ९ का वडाध्यक्ष नन्द प्रसाद खतिवडाको प्रमुख आतिथ्यतामा वडाको सभाहलमा भएको पोशाक वितरण कार्यक्रमा स्थानीय श्री माध्यमिक विद्यालयका २८ जना र शिक्षा ज्योति आधारभुत विद्यालयका ७ जना गरि ३५ जनालाई पोशाक वितरण गरिएको हो ।
कार्यक्रममा बोल्दै वडाध्यक्ष खतिवडाले विपन्न र दलित समुदायको हकहितका लागि सहयोग गर्न वडा कार्यालय सँधै तयार रहेको बताउनुभयो । दलित उत्थान समन्वय समिति लेटाङ ९ का अध्यक्ष भीम बहादुर सार्कीको अध्यक्षतामा भएको कार्यक्रममा पूर्ववडाध्यक्ष कृष्ण लुइँटेल, कार्यपालिका सदस्य ओमप्रकाश विश्वकर्मा, वडासदस्य गोपाल मगर, वडासचिव प्रेम सेञ्चुरी, सञ्चारकर्मी लगायतको आतिथ्यता रहेको थियो ।
वडाले चालु आर्थिक वर्षमा छुट्याएको बजेटबाट दलित उत्थान समन्वय समितिले वडाका विपिन्न तथा दलित समुदायका ३५ जना विद्यार्थीहरुलाई पोशाक वितरण गरेको समन्वय समितिका सचिव नरेश मंग्रातीले जानकारी दिनुभयो ।