कञ्चनरूप । राजबिराजमा सञ्चालित सप्तरी प्रिमियर लिग छैठौं सिजन मेयर कपको तेस्रो दिनको खेलमा छिन्नमस्ता लायन्स र कञ्चनरूप राइनोज बिजयी भएका छन ।
कंञ्चनरूपले बलानलाई २० रनले पराजित गर्दै बिजयी भएको हो भने राजबिराज राजदेबी ११ लाई ६ बिकेटले पराजित गर्दै छिन्नमस्ता लायन्स बिजयी भएको छ ।
कञ्चनरूप राइनोज र बलान बिहुल सुपर किंग बिच भएको दोस्रो खेलमा कञ्चनरूप राइनोजले बालनलाई २० रनले पराजित गर्दै बिजयी भएको हो ।
दोस्रो खेलमा कञ्चनरूपले दिएको १ सय ५३ रनको लक्ष्य पछयाउने क्रममा बलानले २० ओभरमा ९ बिकेट गुमाएर १ सय ३२ रन मात्र बनाउन दिएको थियो ।
टस जितेर ब्याटिङमा उत्रेको कञ्चनरूपले २० ओभरमा ६ बिकेट गुमाएर १ सय ५३ रनको योगफल खडा गरेको थियो । जसमा राशिद खानले ३९ रन बनाएका थिए, अर्का ब्याटर राहुल मण्डल ३७ रन, राकेश कामैत २९ रन, महान्नद यादबले १९ रन बनाए । बलिंग तर्फ बलानका सन्तोष कार्कीले ५ बिकेट र सहाव आलमले १ बिकेट हात पारेका थिए ।
बलानले २० ओभरमा ९ बिकेट गुमाएर १ सय ३२ रन मात्र बनाउन सकेको थियो । जसमा बबु गोहित्याले ५८ रनका साथ उत्कृष्ट ब्याटिङ गरेपनि जितको लागि पर्याप्त हुन सकेन, यसैगरी सन्तोष कार्कीले १२ रन बनाएका थिए ।
बलिंग तर्फ कंचनरूपका दिनेश अधिकारी ४ बिकेट, राहुल मण्डल ३ बिकेट तथा चित्रबहादुर बिष्ट र अरनिको प्रसाद यादबले १÷१ बिकेट लिएका थिए ।
यसै गरी पहिलो खेलमा राजदेवीले दिएको ६८ झिनो लक्ष्य पछयाउने क्रममा छिन्नमस्ता लायन्सले ६ बिकेट गुमाएर बिजयी भएको छ् । टस जितेर ब्याटिङ गरेको राजबिराजले १६ ओभर ३ बलमा १० बिकेट गुमाएर ६८ रन मात्र बनाउन सकेको थियो ।
जसमा विजय यादव १६ रन, दिलिप नाथ १४ र श्रवण यादवले १० जोडेका थिए । बलिंग तर्फ छिन्नमस्ताका गुणान्नद राय ३ बिकेट र विशाल पटेल, भिम सार्की, मोहम्मद सोहिलले समान्य २÷२ बिकेट लिएका थिए ।
प्रतिउत्तरमा छिन्नमस्ता लायन्सले ९ ओभर ५ बलमा ४ बिकेट गुमाएर बिजयी भएको थियो । जसमा उत्कृष्ट ब्याटिङ गर्दै मयन यादवले ४२ रन बनाउका थिए भने सुमित नेवारले ११ रन जोडेका थिए ।
बलिंग तर्फ राजबिराजका रिजन ढकालले २ बिकेट तथा श्रवण यादवले र जितेन्द्र यादवले १÷१ बिकेट लिएका थिए ।
खेलको प्लेयर अफ म्याच गुणान्नद राय घोषित भएका थिए भने गेम चेन्जर विशाल पटेल भएका थिए ।
सप्तरी प्रिमियर लिगमा कञ्चनरूप बिजयी
२० जेठ २०८१, आइतबार
