मोरङ । लेटाङ नगरपालिकाको आयोजनामा सञ्चालित दोश्रो मेयर कप फुटवल प्रतियोगिताको दोश्रो खेलमा लेटाङ-९ लाई पराजित गर्दै लेटाङ-२ विजयी भएको छ । लेटाङ-३ कमलपुरस्थित खेल मैदानमा भएको खेलमा वडा नम्बर ९ लाई १ का विरुद्ध ४ गोलले पराजित गर्दै लेटाङ-२ सेमिफाइनलमा प्रवेश गरेको छ । विजयी भएको वडा नम्बर २ का लागि विकल देवानले २ तथा जितेन मगर र इश्वर विशंखेले १-१ गोल गरे । यता लेटाङ—९ को तर्फबाट सजित मगरले सान्त्वना गोल फर्काए । खेलको म्यान अफ दी म्याच वडा नम्बर २ का जितेन मगर घोषित भए । आजको खेलमा वडा नम्बर ५ र १ बीच प्रतिस्पर्धा हुनेछ ।
नगरका ९ वटै वडा सहभागि प्रतियोगिताको फाइनल खेल असार २२ गते हुनेछ । प्रतियोगिताबाट छनौट भएका खेलाडीहरुलाई समेटेर नगर स्तरीय फुटबल टीम तयार गर्ने योजना रहेको नगर खेलकुद विकास समितिका सदस्य सचिव कृष्णराज राईले जानकारी दिनुभयो । प्रतियोगितामा उपाधि विजेता टीमले नगद १ लाख ३५ हजार र उपविजेता टीमले ६५ हजार पुरस्कारसहित ट्रफि पाउने छन् ।
