राजविराज । सदरमुकाम राजविराज नगरपालिका–१ निवासी ४० वर्षीय लोकेन्द्र झाको आफ्नै भाईको बञ्चरो प्रहारबाट मृत्यु भएको छ।
जिल्ला प्रहरी कार्यालय सप्तरीका अनुसार झाका ३० वर्षीय भाई नरेन्द्रले आज बिहान करिब १० बजे लोकेन्द्रमाथि बञ्चरो प्रहार गरेका थिए। गम्भीर घाइते भएका उनलाई राजविराजमा प्राथमिक उपचारपछि थप उपचारका लागि विराटनगर लगिएको थियो। तर, केही बेरमै उनको मृत्यु भएको प्रहरी प्रवक्ता डीएसपी जितेन्द्र कुमार बस्नेतले जानकारी दिए।
घरायसी विवादका कारण घटना भएको प्रारम्भिक अनुसन्धानबाट थाहा भएको प्रहरीले बताएको छ। फरार रहेका आरोपीको खोजी भइरहेको प्रहरीको भनाइ छ।
