कञ्चनरूप । सप्तरीको हनुमाननगर कङ्कालिनी नगरपालिकाका सम्पूर्ण विद्यालयका शिक्षकहरूले तीन महिनादेखि तलब भत्ता नपाएको भन्दै आन्दोलित भएका शिक्षकहरू अनिश्चितकालीन धर्नाको दोश्रो पनि जारी राखेका छन ।
चाड पर्वको मुखमा समेत काम गरेको तलब नपाउन घर व्यवहार चलाउन समस्या भएको भन्दै सो पालिकाका ५ वटा मावि गरि ३० वटा विद्यालयका २ सय २० शिक्षकहरू आन्दोलित भएका हुन् ।
शिक्षकहरुले आइतबार बिहान १० बजेदेखि नगरपालिकाका कार्यालय अगाडि अनिश्चितकालीन धर्नामा उत्रेका हनु ।
शिक्षकहरू आन्दोलित भई धर्नामा बस्दा पालिका भरिका ३० वटा विद्यालयका ७ हजार ८ सय ७३ विद्यार्थीहरू पठनपाठनबाट बञ्चित भएका छन् ।
गत साउनदेखि असोज महिनासम्मको तलब भत्ता नपाउँदा नेपालीहरूको महान चाड दशैं जसोतसो ऋण लिएर काट्यौँ, तर अब दोश्रो चाड तिहारको मुखमा पनि तलब पाउन नसकिए पुरानो ऋण चुक्ता नगरेको बेला पुनः ऋण दिन पनि कोही नमानेकोले पीडा भएको शिक्षकहरूको भनाई रहेको छ ।
नगरपालिकाले नगर परिषद् नभएको कारण देखाई आफूहरूको तलब भत्ता पाउनबाट बञ्चित गराएको उनको आरोप छ । यसअघि संघर्ष समितिले कात्तिक ६ गते पालिका प्रमुख बिरेन्द्र माझीलाई तीन दिनको अल्टिमेटमसहित तलब भत्ता अविलम्ब निकासा गर्ने बारे ज्ञापनपत्र बुझाएका थिए । सो अवधीमा तलब भत्ता निकासा नभए कात्तिक ११ गते आइतबारदेखि सम्पूर्ण विद्यालय बन्द गरि पालिकाको मूल गेट अगाडि धर्नामा बस्ने ज्ञापनपत्रमा उल्लेख छ ।
