सुनसरी । इटहरीस्थित जयन्ती विन्धवासिनी विद्या सदन माध्यमिक विद्यालयले एसइई परीक्षामा उत्कृष्ट नतिजा ल्याउन सफल भएको छ । विद्यार्थी र अभिभावक माझ जेवी विद्या सदनको नामले परिचित यस विद्यालयबाट एसइई परीक्षा दिएका २५ जना विद्यार्थी मध्ये १० जनाले ए प्सल अर्थात ३.६ भन्दा बढी जीपीए ल्याउन सफल भएका छन् । यस्तै विद्यालयका ११ जना विद्यार्थीले ए गेड अर्थात ३.२ र ३.६ बीचको जीपीए ल्याएका छन् भने ३ जनाले वी प्लस र १ जनाले वी ग्रेड ल्याएका छन् ।
इटहरी ८ पूर्वी गैसारमा रहेको यस विद्यालयमा नयाँ व्यवस्थापन आएपछि भौतिक संरचनादेखि पठनपाठनको गुणस्तरमा समेत ध्यान दिन थालिएकाले एसइई परीक्षामा समेत उत्कृष्ट नतिजा ल्याउन थालेको छ । २०६२ सालमा स्थापना भएको जेवी विद्या सदन माध्यमिक विद्यालयले २०७२ सालदेखि एसइई परीक्षामा विद्यार्थीहरुलाई सामेल गराउन थालेको हो ।
विद्यालयमा प्लेग्रुपदेखि कक्षा १० सम्म गरि ४ सय विद्यार्थी अध्ययनरत छन् । लामो समयदेखि शिक्षण क्षेत्रमा आवद्ध भएका व्यक्तिहरु नै विद्यालयको सञ्चालकको रुपमा आएकाले पछिल्लो समय यस विद्यालयमा विद्यार्थीहरुको आकर्षण समेत बढ्दो छ ।
विद्यालयले विद्यार्थीलाई गुणस्तरीय शिक्षा प्रदान गर्नुपर्छ भन्ने उद्देश्यका साथ हरेक कक्षामा २५ जना मात्र विद्यार्थी राखेर पठन पाठन गराउने गरेको प्रिन्सिपल मनिस राईले जानकारी दिनभुयो । जसका कारण पनि विद्यालयमा अध्ययनरत विद्यार्थीहरुले उत्कृष्ट नजिता ल्याउँदै आएका छन् ।
विद्यालयले पढाइका अतिरिक्त कराँते, नृत्य, संगीत र चीत्रकलाका कक्षाहरु सञ्चालन गर्दै आएको छ भने कमजोर विद्यार्थीका लागि अतिरिक्त कक्षाको व्यवस्था गर्ने गरेको छ । अन्य विद्यालयको तुलनामा कम शुल्कमा उच्च गुणस्तरको शिक्षा दिने उद्देश्यका साथ विद्यालयले शैक्षिक गतिविधि सञ्चालन गरिरहेको विद्यालयका अध्यक्ष नवीन खड्काले जानकारी दिनुभयो ।
राम्रो छ।