कञ्चनरूप । सप्तरीको कञ्चनरूप नगरपालिका १२ स्थित शंकर माध्यमिक विद्यालय काठमहल रूपनगरका १२ कक्षाका विद्यार्थीहरूलाई बिदाई गरिएको छ ।
यस विद्यालयमा वर्ष २०७८ मा कक्षा ११ मा भर्ना भई २०८१ मा नियमित कक्षा १२ को राष्ट्रिय परीक्षा बोर्डबाट परीक्षा दिन लागेका विद्यार्थीहरूलाई एक कार्यक्रमका बिच बिदाई कार्यक्रम सम्पन्न गरेको छ । विद्यालयमा आयोजित बिदाई कार्यक्रमका शिक्षक ज्याउल हकले विद्यालयमा रहँदा देखाएको अनुशासन र व्यवहारिक क्रियाकलापको प्रशंसा नयाँ भविष्यको बाटो पहिल्याउन प्रगतिको कामना गरे ।
त्यस्तै शिक्षक कमल राईले विद्यालयबाट बिदाई भएर जाने विद्यार्थीहरूलाई शंकर माविका राम्रा पक्षलाई अन्यत्र फैलाउन म अनुरोध गरे ।
यसै गरी विद्यालयका प्रधानाध्यपक गङ्गा प्रसाद साहले विद्यार्थीहरूलाई बिदाइ गर्दै भने बिदाई आकस्मिकता होइन, नियमित प्रक्रिया हो । बिदाई नहुँदो हो त आरम्भ नै हुने थिएन । समयले पल पल व्यक्ति÷घटनाका रूपमा हामीलाई बिदाई गर्छ । समय आफै बिदाईको क्रम हो । पछिल्लो पलले अघिल्लोलाई धकेलेर बिदाई गर्छ । त्यो अघिल्लो अर्को पलमा फेरि पछिल्लो बन्छ र यो क्रम निरन्तर छ । बिदाई बिदाइ नभएर अवसरको रुपमा दिन सक्नु पर्छ । हामीले बुझ्नलाई नाम दिएको हो, जो नियमित यात्रा वा बिदाइका सिलसिला हुन् । त्यसैले बिदाई नियमितता हो, बिदाई नियात्रा हो, बिदाई नियति पनि हो । समय छ त बिदाई छ, समयलाई कसले समाउन÷छेक्न सकेको छ र बिदाई हुन । यो यात्राको भनौँ वा बिदाईको विशिष्ट प्रवृत्ति हो । मैले लिएका दर्जनौँ औपचारिक बिदाईको निचोड हो ।
प्रधानाध्यपक साहले भने बरु बिदाईको क्षेत्र र प्रभाव चाहिँ सानो वा ठुलो होला । अर्थ र अनुभूतिका आयतनहरू लामा वा छोटा होलान् । लामो नियात्राका धेरै अनुभूति, त्यसका आवेग र सांवेगिक सम्बन्धका कारण बिदाईले व्यक्तिलाई भावावेगमा पु¥याउने गर्दछ भन्दै प्रधानाध्यपक साहले उज्ज्वल भविष्यका लागि शुभकामना व्यक्त गरे ।
शंकर माविबाट २०८१ मा नियमित कक्षा १२ को राष्ट्रिय परीक्षा बोर्डको परीक्षामा व्यवस्थापन तथा शिक्षा संकायबाट १०२ जना विद्यार्थीहरू सहभागि हुँदैछन् । विद्यालयको तर्फबाट मायाको चिनो हस्तान्तरण भएको थियो भने विद्यार्थीहरूले समेत विद्यालयलाई मायाको चिनो प्रदान गरेका थिए ।
