राजविराज । सप्तरीको राजविराजमा पैदल हिडदै गरेका एक पैदल यात्री सडकमै लडेरे ज्यान गएको छ ।
राजविराजको वडा नम्बर ३ घर भएका ७० वर्षीय उमेशनाथ शरणको कल्टुदास पोखरी छेउमा लडेर ज्यान गएको सप्तरी प्रहरीले जनाएको छ ।
शरण हिंडेर घर गइरहेको अवस्थामा एक्कासि लडेका थिए । त्यही लडेको ठाउँमा नै उनको मृत्यु भएको सप्तरी प्रहरीका प्रवक्ता एवं डीएसपी जितेन्द्र कुमार बस्नेतले जानकारी दिए ।
शरण शनिबार हिजो विराटनगरमा बस्दै आएका छोरालाई भेट्न गएका थिए । आज फर्किने क्रममा हनुमाननगर स्थित एक आफन्तको घरमा खाना खाएको र राजविराज आएर एक पसलबाट पानीको बोतल किनेर घरतर्फ पैदल हिँडिरहँदा उनी एक्कासि ढलेको प्रहरी प्रवक्ता बस्नेतले बताए ।
पारिवारिक श्रोतलाई उदृत गर्दै बस्नेतले जनाए अनुसार शरण मुटुका बिरामी थिए । उनको केही दिनअघि मुटुको शल्यक्रिया भएको थियो ।
