लहान,सिरहा । अष्ट्रेलियाको राजदूत नियुक्त भए पछि गृहजिल्ला सिरहा आएकी चित्रलेखा यादवलाई सम्मान गरिएको छ ।
नेपाली काङ्ग्रेस लहानले नगरपालिकाको सभाहलमा राजदूत यादवलाई सोम आज बधाई तथा सम्मान सम्मान गरेको हो ।
काङ्ग्रेसको पूर्वकोषाध्यक्ष तथा पूर्वउपसभामुख पनि रहनुभएकी राजदूत यादव शिक्षा मन्त्री समेत भइ सकेकी राजदूत यादवले सम्मान कार्यक्रमलाई सम्बोधन गर्दै आफ राजदूतमा सिफारिस हुनुमा नेपाली काङ्ग्रेस र सरकार प्रति आभार व्यक्त गर्दै सेवामा अहोरात्र रहने बताइन ।
राजदूत यादवले नेपाल राष्ट्र र जनताको हितमा रहेर काम गर्ने प्रतिबद्धता व्यक्त गरिन । उनले भनिन् देशबीचको कूटनीतिक सम्बन्धलाई थप उचाइ दिन लागिपर्नेछु प्रतिवद्धता सहित राष्ट्र र जनताको हितलाई मध्यनजर गर्दै आफ्नो पदीय मर्यादामा रहेर काम गर्ने बताइन ।
काङ्ग्रेस लहान नगरसभापति सञ्जय यादवले अष्ट्रेलिया जान चाहने र गएका गृहजिल्लाका विद्यार्थीहरूको समस्यामा सहजिकरण गरिदिन राजदूत यादवलाई आग्रह गर्दै सिरहाकी नेतृ राजदूत नियुक्ति हुनु गर्वको विषय भएको बताए ।
कार्यक्रममा नेपाली काङ्ग्रेस सिरहा जिल्ला सभापति रामचन्द्र यादव, लहान नगरपालिकाका प्रमुख महेश चौधरी लगायतले मन्तव्य राखेका थिए ।
