सुनसरी । इटहरीको मुख्य चौकमा मंगलबार दिउँसो भएको सवारी दुर्घटनामा परि आमा–छोरीको मृत्यु भएको छ । दुर्घटनामा इटहरी-८ की ३९ वर्षीया सरिता चौधरी (आमा) र २० वर्षीया छोरी अंशु चौधरीको मृत्यु भएको हो । इटहरीको मुख्यचौकमा पश्चिमबाट पूर्वतर्फ आउँदै गरेको ना १ क ९१०७ नम्बरको ट्रिपरले बिपरीत दिशाबाट आउँदै गरेको स्कुटरलाई ठक्कर दिंदा आमा सरिताको घटनास्थलमै मृत्यु भएक हो । छोरी अंशुको उपचारका क्रममा विराट मेडिकल कलेज विराटनगरमा मृत्यु भएको प्रहारीले जनाएको छ । घटनापछि आक्रोशित आफन्त र स्थानीयवासीले ढुंगामुढा गरेका कारण इटहरी चौक साँझसम्मै तनावग्रस्त रह्यो । घटनामा इलाका प्रहरी कार्यालयका डीएसपीसहित ९ जना घाइते भएका छन् भने सशस्त्र प्रहरी बलका ७ जना घाइते भएका छन् । प्रहरीले स्थिति नियन्त्रणमा लिन ३४ सेल अश्रुग्यास प्रहार गरेको थियो । ट्रिपर चालक सर्लाहीको हरिबन बस्ने बलबहादुर बम्जनलाई प्रहरीले नियन्त्रणमा लिएको जनाएको छ ।
इटहरीको मुख्यचौकमा भएको दुर्घटनामा आमा–छोरीको मृत्यु
१९ आषाढ २०८०, मङ्गलबार
