लेटाङ, १२ पौष । लेटाङमा शान्ति र विकासका लागि नागरिक समाजको भूमिका विषयक २ दिने गोष्ठी सम्पन्न भएको छ । ब्रेड फर द वल्र्ड जर्मनीको आर्थिक सहयोग तथा संस्थागत विकास सञ्जाल ललितपुरको साझेदारीमा सामुदायिक विकास मञ्च (सीडीएफ) नेपालले हिजो बुधबार र आज विहीबार गरि २ दिने गोष्ठि सञ्चालन गरेको हो ।
सीडीएफ नेपालका युवा शान्ति सहजकर्ता जुनिता राईले सञ्चालन गर्नु भएको गोष्ठीमा परियोजना इञ्चार्ज नरबहादुर लिम्बूले नागरिक समाजको परिभाषा, महत्व, भूमिका, विशेषता र प्रकारको वारेमा सहजिकरण गर्नुभयो । उहाँले नागरिक समाज, टोल विकास संस्था र अन्य साझेदारसँगको सम्बन्ध बारेमा सहजीकरण गर्नुभयो ।
यस्तै नागरिक समाज र स्थानीय तहबीचको सम्बन्ध तथा सहकार्यका विषयमा लेटाङ नगरपालिकाका प्रमुख भूपेन्द्र कुमार लावतीले सहजीकरण गर्नुभयो । गोष्ठीमा सहभागीहरुले समूहकार्य गरी प्रस्तुत गरेका थिए भने भाविकार्य योजना निर्माण गरी उक्त कार्ययोजना कार्यान्वयन गर्ने प्रतिवद्धता समेत व्यक्त गरेका छन् ।
२७ जनाले सहभागिता जनाएको गोष्ठीको अध्यक्षता सीडीएफ नेपालका अध्यक्ष रामचन्द्र बुढाथोकीले गर्नु भएको थियो ।