इटहरी । इटहरी उपमहानगरपालिका वडा नम्बर ५ स्थित तुलसा टोल विकास संस्थाको आज भएको साधारणसभाबाट सर्वसहमतिमा नयाँ कार्य समिति चयन गरिएको छ । समितिको अध्यक्षमा तुलसी प्रसाद भट्टराई (गोपाल), उपाध्यक्षमा चेत कुमारी घिमिरे रेखा, सचिवमा श्याम भट्टराई, सहसचिवमा वखत बहादुर खड्का र कोषध्यक्षमा रुपा दाहाल चयन हुनु भएको छ । यसैगरि सदस्यहरुमा सीता ढुंगाना, गोपाल घिमिरे, कमला पुर्कोटी, गुणराज कार्की, अञ्जु अधिकारी, काँशीनाथ दाहाल, गणेश पौडेल र बासुदेव दाहाल चयन हुनु भएको छ । यसैगरि लेखा समिति संयोजकमा भुवन दाहाल तथा सदस्यमा केदार श्रेष्ठ र खीन बहादुर कार्की चयन हुनु भएको छ ।
यस्तै वरिष्ठ सल्लाहकारमा शारदा प्रसाद अधिकारी चयन हुनु भएको छ भने सल्लाहकारहरुमा क्षेत्र बहादुर कार्की, जगन्नाथ दाहाल, निलम बस्नेत, नवराज पौडेल, वुद्धिप्रसाद ढकाल र देवी कार्की चयन हुनु भएको छ । टोल विकासका निवर्तमान अध्यक्ष निलम बस्नेतको अध्यक्षता तथा इटहरी ५ का वडाध्यक्ष भीष्मकुमार घिमिरेको प्रमुख आतिथ्यतामा भएको कार्यक्रममा टोल विकासका पूर्व अध्यक्ष क्षेत्र बहादुर कार्की, जगन्नाथ दाहाल, पवित्रराज कोइराला लगायतका अतिथिहरुको उपस्थिति रहेको थियो ।
