राजविराज । सप्तरीको महादेवा गाउँपालिकाको वडा न. ३ को वडा कार्यालय बथनाहामा बिहीवार सीप मूलक सिलाई कटाई तालिम एक समारोह बिच समापन्न भएको छ । महादेवा गाउँपालिकाका अध्यक्ष सुनिल कुमार मण्डलको प्रमुख आतिथ्यमा सिलाई कटाई तालिमको समापन्न भएको हो । सिलाई कटाई तालिमको आयोजना ,कृष्ण सेन इच्छुक स्मृति प्रतिष्ठान महादेवा–१ तथा महादेवा गाउँपालिकाको सहयोगमा २० दिने तालिममा २० जना सहभागी रहेको थियो । सो कार्यक्रममा प्रमुख अतिथि गा पा अध्यक्ष मण्डलले सिकेको सीपलाई व्यवहारमा प्रयोग गर्न आग्रह गर्दै तालिम लिएको सहभागीहरू आय आर्जन गर्नेलाई दातृ निकायलाई सहयोग गर्ने वातावरण बनाउने प्रतिबद्धता व्यक्त गरे । सोही अवसरमा गा पा की उपाध्यक्ष अर्चना कुमारी यादवले तालिमबाट प्राप्त ज्ञानलाई सदुपयोग गर्ने भन्दै तालिमको सार्थकता हुने बताइन । उनले गृहस्थीहरूले सीप मूलक तालिमको माध्यमबाट घर व्यवहारको साथै यस प्रकारको तालिमबाट महिलाहरू आत्मनिर्भर हुनेमा मद्दत पुग्ने विश्वास व्यक्त गरिन । कृष्ण सेन इच्छुक स्मृति प्रतिष्ठानका अध्यक्ष देवराम यादवको अध्यक्षतामा सम्पन्न कार्यक्रममा गा पाका प्रमुख प्रशासकीय अधिकृत रामलखन यादव, ३ न। वडाका वडाध्यक्ष रामकुमार यादव, गापाका सामाजिक विकास शाखा प्रमुख मो। जावेद अली, ललित कुमार मण्डल,३ न। वडा सचिव कृष्णकुमार यादव, प्रशिक्षक अनिता यादव , अशोक यादव, रितेश यादव लगायतको उपस्थिति रहेको थियो । उक्त तालिममा सहभागीहरूलाई प्रमुख अतिथि गा पा अध्यक्ष मण्डल, विशिष्ट अतिथिहरू गा।पा उपाध्यक्ष यादव, प्रमुख प्रशासकीय अधिकृत यादवले प्रमाण पत्र समेत वितरण गरेका थिए । उक्त तालिम गत जेठ २७ गतेदेखि शुरु भई असार १४ गते सम्पन्न भएको थियो ।
