कञ्चनरूप । सप्तरीको कञ्चनरूप स्थित बदगामा बुधबार राती मोटरसाइकल दुर्घटनामा एकजनाको मृत्यु भएको छ । भने एकजना गम्भीर घाइते भएका छन् । पूर्वपश्चिम राजमार्ग अन्तर्गत भारदहबाट कंचनपुरतर्फ आउदै गरेको प्रदेश २–०२–०१६ प १२५ नम्बरको मोटरसाइकल आफै अनियन्त्रित भई रोडको साईडमा पल्टिँदा दुर्घटनामा गम्भीर कञ्चनरूप नगरपालिका १२ रूपनगर बस्ने वर्ष २७ का बिक्रम बन्जाराको उपचारको क्रममा नोबेल अस्पताल विराटनगरमा मृत्यु भएको हो ।
दुर्घटनामा मोटरसाइकलको पछाडि सवार सप्तरी रुपनी गाउँपालिका. ४ बस्ने वर्ष ३४ को सन्तोष ईसर गम्भीर घाइतेको नोबेल अस्पताल विराटनगरमा उपचार भइरहेको छ ।
दुर्घटना गम्भीर घाईते दुवैजनालाई तत्काल नोबेल अस्पताल विराटनगर पठाइएकोमा मोटरसाइकल चालक बन्जाराको मध्यान्ह राती २४ ः२० बजेको समयमा मृत्यु भएको अस्पताल श्रोतलाई उदृत गर्दै प्रहरीले जनाएको छ ।
प्रहरीका अनुसार मृतक बन्जारा मोटरसाइकल चालक रहेको निजको बुवा मार्फत खुल्न आएको छ । दुर्घटना ग्रस्त मोटरसाइकल इलाका प्रहरी कार्यालय कञ्चनपुरमा रहेको तथा घटना बारे थप अनुसन्धान भइ रहेको प्रहरीले जनाएको छ ।
