कञ्चनरूप । कञ्चनपुर राजविराज हुलाकी सडक खण्डको महुली र सुन्दरी पुलको विचमा पर्ने सुब्बाटोल नजिक सडकमा ट्रयाक्टर दुर्घटना हुदाँ २ जनाको घटनास्थलमै मृत्यु भएको छ भने २३ जनाभन्दा बढी घाइते भएका छन ।
शनिवार बेलुका करिव ७ ः३० बजेको समयमा हुलाकी सडक भएर राजविराज तर्फबाट आँप लिए कञ्चनपुर आउँदै गरेको अवस्थामा स.१त. ६२९५ नम्बरको ट्रयाक्टर दुर्घटना हुदाँ घटना स्थलमै २ जनाको मृत्यु भएको छ भने २२ जना भन्दा बढी घाईते भएको प्रहरीले जनाएको छ् ।
घटनामा मृतकहरूको पहिचान खुल्न नसकेको प्रहरीले जनाएको छ । घाइतेहरूलाई उपचारार्थ तत्काल कञ्चनरूप स्थित धर्मेश्वर हस्पिटलमा भर्ना गरिएको प्रहरीले जनाएको छ ।
घाईते मध्ये केहीको अवस्था गम्भिर रहेकोले थप उपचारका लागि विराटनगर पठाउने तयारी भैरहेको धर्मेश्वर हस्पिटलले जनाएको छ ।
कञ्चनपुर राजविराज हुलाकी सडकको सुब्बाटोल नजिक ट्रयाक्टर दुर्घटना २ जनाको मृत्यु २३ जना भन्दा बढी घाइते
१९ जेठ २०८१, शनिबार
