पातो । सप्तरीको बलान बिहुल गाउँ पालिका अन्तर्गतको कर्मचारी र जनप्रतिनिधिहरूको सामूहिक दुर्घटना बीमा सम्बन्धी अन्तरक्रिया कार्यक्रम सम्पन्न भएको छ ।
राष्ट्रिय बीमा कम्पनी लिमिटेड लहान शाखाको आयोजना तथा बलान बिहुल गाउँ पालिका अध्यक्ष खेमचन्द्र यादवको अध्यक्षतामा स्थानीय सरकारसँग निर्जीवन बीमा कर्मचारी र जनप्रतिनिधिहरूको सामूहिक दुर्घटना बीमा सम्बन्धी अन्तरक्रिया कार्यक्रम सम्पन्न भएको छ ।
बलान बिहुल गाउँ पालिका अन्तर्गतको एक सय एक जना कर्मचारी र जनप्रतिनिधिहरूको बीमा गरिएको थियो ।
उक्त बीमा प्रति व्यक्ति दस\दस लाख रुपैयाँ को हिसाबले बीमा गरिएको छ भने प्रति व्यक्ति प्रति वर्ष एक हजार पाँच सय रुपैयाँ को हिसाबले बीमा शुल्क पालिकाले व्यहोर्ने दुबै पक्षले सम्झौता गरेको पालिका अध्यक्षले जानकारी दिनुभयो ।
सो बीमा अवधि २०८२।०३।२४गते देखि २०८३।०३।२३ गते सम्म रहने सम्झौता गरेको छ । कर्मचारीहरू को बीमा गर्ने मधेश प्रदेशको पहिलो जिल्ला सप्तरी हो साथै सप्तरी जिल्लाको पालिका अन्तर्गतको कर्मचारीहरूको जीवन बीमा गर्ने पहिलो पालिका बलान विहुल गाउँ पालिका हो । राष्ट्रिय बीमा कम्पनी लिमिटेड को निति नियम तथा सम्पूर्ण कार्यक्रम अन्तरक्रिया सम्बन्धी प्रशिक्षण कार्यक्रम प्रमुख सूर्यनाथ महतोले सहज रुपमा गर्नु भएको थियो ।
