कञ्चनरूप । सप्तरी प्रहरीले भन्सार छलेर ल्याउँदै गरेको मोबाइल डाटा केवल र मोटरसाइकलसहित दुई जनालाई पक्राउ गरेको छ ।
जिल्लाको खडक नगरपालिका वडा नं। ८ भदिया सडक खण्डबाट भन्सार छलेर ल्याउँदै गरेको मोबाइल डाटा केवल र मोटरसाइकलसहित दुई जनालाई पक्राउ गरेका हुन ।
बलान बिहुल गाउँपालिका वडा नं। ५ रामनगरका ४० वर्षीय सम्पैत यादव र सोही स्थान ठाउका २२ वर्षीय श्रवण कुमार यादव सवार स.३प.४६१७ को मोटरसाइकललाई चेकजाँच गर्ने क्रममा उक्त सामानहरू बरामद गरिएको प्रहरीले जाएको छ । प्रहरीले मोटरसाइकल चेकजाँच गर्दा ७५ हजार मूल्य पर्ने ४ सय ७० थान मोबाइल डाटा केवल बरामद गरेको जनाइएको छ ।
बरामद मोबाइल डाटा केवल र मोटरसाइकलसहित दुबै जनालाई नियन्त्रणमा लिई आवश्यक कारवाहीको लागी भन्सार कार्यालय बुझाइएको जिल्ला प्रहरी कार्यालय सप्तरीले जनाएको छ ।
