काठमाडौं, जेठ २ । नेपाली कांग्रेसकाप्रवक्ता एवं अर्थमन्त्री डा. प्रकाशशरण महतले पूर्वगृहमन्त्री बालकृष्ण खाँणले निर्दोषे रहेको बताएकोले निलम्बन नगरेको बताउनु भएको छ ।
नक्कली भुटानी शरणार्थी प्रकरणमाखाण पक्राउ परेको एक साता बितिसक्दा पनि किन निलम्बन भएन भन्ने प्रश्नमा उहाँले यस्तो बताउनु भएको हो । पूर्वगृहमन्त्रीसमेत रहेका खाँण पक्राउ परेपछि उहाँलाई निलम्बन गर्ने कि नगर्ने भन्ने विषयमा बहस भए पनि कांग्रेसले कुनै निर्णय गरेको छैन । खाणलाई निलम्बन गर्न पार्टीभित्रैबाट माग भइरहे पनि निर्दोष छु भनेकोले यस्तो निलम्बन नगरेको बताउनु भयो ।
आज आयोजित पत्रकार सम्मेलनमा डा. महतले, खाँणले निर्दोष प्रमाणित गर्छु भनिरहेकाले निलम्बन नगरेको बताउनु भयो । ‘निर्दोष रहेको उहाँले भनिरहेकाले निलम्बनको निर्णय पार्टीले नगरेको हो,’ महतले भन्नुभयो । गिरोहसँग लेनदेन गरेको आरोप लागेपछि खाँणलाई गत वैशाख २७ गते प्रहरीले काठमाडौंस्थित निवासबाटै खाणलाई पक्राउ गरेको थियो ।
खाँण पक्राउ परेपछि पार्टी सभापति शेरबहादुर देउवाले पार्टी पदाधिकारी र पूर्वपदाधिकारीहरुसँग संयुक्त छलफल गर्नुभएको थियो । छलफलमा कांग्रेस महामन्त्रीद्वय गगन थापा र विश्वप्रकाश शर्माले खाँणलाई निलम्बन गर्नुपर्ने धारणा राखे देउवा समहत हुनुभएन ।
