काठमाडौं । संविधानसभाका अध्यक्ष, पूर्वसभामुख तथा नेकपा एमालेका उपाध्यक्ष सुवास नेम्वाङको अन्त्येष्टि बिहीबार गरिने भएको छ । एमालेका उपमहासचिव प्रदीप ज्ञवालीले नेम्वाङका छोरा बुधबार अपराह्न मात्रै नेपाल आइपुग्ने भएकाले बिहीबार अन्त्येष्टि गरिने जानकारी दिनुभयो ।
उहाँका अनुसार नेम्वाङको पार्थिव शरीर बुधबार दिउँसो १ बजेसम्म एमाले पार्टी केन्द्रीय कार्यालयमा श्रद्धाञ्जलीका लागि राखिने छ । त्यसपछि उहाँको पार्थिव शरीर बालुवाटारस्थित नेम्वाङको निवासमा लगिने छ । पार्थिव शरीरलाई घरमा लगेपछि किराँत संस्कृतिअनुसार गर्नुपर्ने कार्य गरिने छ । नेम्वाङको अन्त्येष्टि भने पशुपति आर्यघाटमा गरिने बताइएको छ ।
सरकारले राजकीय सम्मानका साथ नेम्वाङको अन्त्येष्टि गर्ने निर्णय गरेको छ । मंगलबार बसेको मन्त्रिपरिषदको आकस्मिक बैठकले संविधान निर्माणमा पु¥याएको योगदानको कदर गर्दै राजकीय सम्मानका साथ नेम्वाङको अन्त्येष्टि गर्ने निर्णय गरेको हो ।
यस्तै उहाँको अन्त्येष्टि हुने दिन देशभर शोक बिदा दिने निर्णय सरकारले गरेको छ । जसअनुशार विहीबार नै शोक विदा हुने देखिएको छ । ७१ वर्षीय नेम्वाङको हृदयघातका कारण सोमबार राति निधन भएको थियो। उहाँका दुई छोरा र दुई छोरी छन् ।
हार्दिक समबेदना।सोकाकुल परिवारमा धैर्य धारण गर्ने सक्ति मिलोस। अर्को अलिकति नबुझेको कुरा किरात सस्कार अनुसार अन्त्यस्टि गर्ने भन्ने कुरा गर्या छ अनि पसुपति आर्यघाटमा कसरि किरात संस्कार अनुसार गरिन्छ???? यो तोडमोड गरिदैछ है किरात सस्कार प्रति।