कञ्चनरूप । सप्तरीको कञ्चनरूप नगरपालिका महादेवपट्टि स्थित पूर्व पश्चिम लोकमार्गमा बसले ठक्कर दिँदा एक युवकको मृत्यु भएको छ ।
शनिवार कञ्चनरूपको वडा नं।२ स्थित महादेवपट्टि चौकमा पूर्व तर्फबाट पश्चिम जाँदै गरेको प्रदेश नं।१–०१–००१ ख ४१४१ नम्बरको यात्रुबाहक बसले करिब दिउँसो १ बजेको समयमा स्थानीय २७ बर्षिया उमेश मुखियालाई ठक्कर दिँदा मृत्यु भएको प्रहरीले जनाएको छ ।
बसको ठक्करबाट घाइते भएका युवकलाई उपचारको लागि धर्मेश्वर हस्पिटल लगिएको थियो । हस्पिटलमा पुगे पछि डाक्टरहरूले मृत्यु भएको जनाएका छन ।
बसका चालकलाई इलाका प्रहरी कार्यालय कञ्चनपुरले नियन्त्रणमा लिएको छ । मृतकको शवलाई पोस्टमार्टमको लागी गजेन्द्र नारायण सिंह अस्पताल राजबिराज पठाइएको प्रहरीले जनाएको छ ।
