-मनोज अधिकारी
पथरीशनिश्चरे । मोरङको पथरीशनिश्चरेस्थित एक सामुदायीक वन क्षेत्रमा अपरिचित व्यक्तिको शव फेला परेको छ । पथरीशनिश्चरे नगरपालिका वडा नम्बर २ स्थित सुन्दर सामुदायिक वन उपभोक्ता समुहको वन क्षेत्रमा आज दिउँसो १२ बजेतिर स्थानीयले शव फेला पारेपछि प्रहरीलाई खबर गरेको पथरी प्रहरीले जनाएको छ ।
प्रहरीका अनुशार अन्दाजी ३० ४० वर्षको जस्तो देखिने पुरुषको शव अनुहार सडेको अवस्था भेटिएको हो । इलाका प्रहरी कार्यालय पथरीका प्रहरी निरीक्षक व्रह्मदेव शाहका अनुसार दिउँसो १२ बजे तिर सामुदायीक वनको राजमार्ग दक्षिणको क्षेत्रमा स्थानीय गोही खोला नजिकै घोप्टो परेको अवस्थामा शव भेटिएको थियो ।
मृतकको हातमा ’ओम मानी पेमे ’ लेखिएको र शव पोष्ट मार्टमका लागि वीपी प्रतिष्ठान धरान पठाइएको प्रहरीले जनाएको छ ।
