कञ्चनरूप । सप्तरीको कञ्चनरूप नगरपालिका तथा नगर प्रमुख ,प्रमुख प्रशासकीय अधिकृत तथा नगर कार्यपालिकाको कार्यालयलाई उपप्रमुखले दायर मुद्दामा उच्च अदालत जनकपुर, राजविराज इजलासले अन्तरिम आदेश जारी नहुने आदेश जारी गरेको छ ।
कञ्चनरूप नगरपालिकाकी उपप्रमुख मुनाकुमारी पोखरेलले गत बैशाख २४ गते निषेधाज्ञा, उत्प्रेषण मिश्रित परमादेश माग गरेपछि सोही दिन न्यायाधीश वामदेव ज्ञवालीको एकल इजलासले नबौं नगरसभाका सक्कल निर्णय पुस्तिका सहित उपस्थित हुन उच्च अदालत जनकपुर, राजविराज इजलासले आदेश दिएकोमा बैशाख ३० गते माननीय न्यायाधीश विमल सुवेदी र माननीय न्यायाधीश कोशलचन्द्र सुवेदीको संयुक्त इजलासले नगर प्रमुख ,प्रमुख प्रशासकीय अधिकृत तथा नगर कार्यपालिकाको कार्यालयको नाममा निषेधाज्ञा, उत्प्रेषण मिश्रित परमादेशको अन्तरिम आदेश जारी नहुने आदेश जारी भएको छ ।
आफैले प्रस्तुत गरको नबौं नगरसभाका सक्कल निर्णय पुस्तिका सहित उपस्थित गराई पाउ भन्दै उच्च अदालत जनकपुर ,राजविराज इजलासले पुगेकी उपप्रमुख पोखरेल आफ्नै नाममा निषेधाज्ञा, उत्प्रेषण मिश्रित परमादेशको अन्तरिम आदेश जारी नहुने आदेश जारी भएको छ ।
