पातो । डाक्नेश्वरी नगरपालिका–५, पातोको महादेबा टोलस्थित नहर, धानखेत र बाँसघारीमा छरिएर रहेका अवस्थामा ठूलो परिमाणमा लावारिस गाँजा बरामद गरिएको छ।
संयुक्त प्रहरी टोलीका अनुसार बरामद गरिएको गाँजा तस्करहरूले भारततर्फ लैजाने तयारीमा रहेको अवस्थामा फेला परेको हो। बरामद गाँजा १७ बन्डल, ३ सय ९६ किलो ९ सय ग्राम रहेको इलाका प्रहरी कार्यालय पातोले जनाएको छ।
प्रहरीले बरामद सामग्री आवश्यक कारबाहीका लागि इलाका प्रहरी कार्यालय कल्याणपुरलाई जिम्मा दिएको छ।
