कञ्चनरुप । सप्तरीको कञ्चनरुप नगरपालिका–४ स्थित त्रियुगा नदीमा डुबेर सोमबार दुई बालिकाको मृत्यु भएको छ । एकजना बेपत्ता छन् ।
स्थानीय श्रवण महतोकी नौ वर्षीया छोरी प्रतिभा महतो र सुरेश सदाकी आठ वर्षीया छोरी जितनी सदाको मृत्यु भएको जिल्ला प्रहरी कार्यालयका प्रहरी निरीक्षक उदयकुमार रायले जानकारी दिए ।
धनकटामा रहेको त्रियुगा नदीमा नुहाउने क्रममा तीन बालिका डुबेका थिए । स्थानीय आठ वर्षीया काजल खंग अझै बेपत्ता रहेको प्रहरीले जनाएको छ । उनको खोजीकार्य जारी छ ।
