कञ्चनरूप । सप्तरीको कञ्चनरूप नगरपालिका–८ स्थित डिठा पोखरीमा छठ पर्व मनाउने क्रममा एक पुरुषको डुबेर मृत्यु भएको छ।
कञ्चनपुर नगरपालिका–९ निवासी करिब ५५–५६ वर्षीय सुरज राम (स्थानीयले सुर्जा भनेर चिन्ने) आइतबार बिहान छठ पर्वमा उदाउँदो सूर्यलाई अर्घ्य दिँदै गर्दा पौडी खेल्ने क्रममा पोखरीमा डुबेर बेपत्ता भएका थिए।
स्थानीय र प्रहरीको सहयोगमा खोजी गर्दा उनी मृतावस्थामा फेला परेका हुन्। इलाका प्रहरी कार्यालय कञ्चनपुरका अनुसार मृतक रामको शवलाई सनाखतपछि पोस्टमार्टमका लागि राजविराजस्थित गजेन्द्रनारायण सिंह अस्पताल पठाइएको छ।
घटनाबारे थप अनुसन्धान भइरहेको प्रहरीले जनाएको छ।
