जाँते । लेटाङ ९ जाँतेमा सम्पन्न जनप्रतिनिधि टोलकप फुटबल प्रतियोगिता अन्तरगत पुरुषतर्फको उपाधि बाह्रकोठे टोलले जितेको छ । यता महिलातर्फको उपाधि स्वर्गद्वारी १ ले जितेको छ ।
आज सम्पन्न महिला र पुरुष दुवैतर्फको फाइनल खेलमा निर्धारित समयमा गोल रहित बराबरी भएपछि ट्राइवेकर मार्फत विजेता टुंगो लोको हो । पुरुषतर्फको खेलमा बाह्रगोठेले सगरमाथा २ लाई पराजित गरेको हो भने महिलातर्फको खेलमा स्वर्गद्वारी १ ले सगरमाथा २ लाई नै पराजित गर्दै उपाधि जितेको हो ।
विजेता तथा उपविजेता खेलाडी तथा विभिन्न विधामा उत्कृष्ट भएका खेलाडीहरुलाई लेटाङ नगरपालिका प्रमुख भूपेन्द्र कुमार लावती, उपप्रमुख कृष्णकुमारी निरौला, प्रमुख प्रशासकीय अधिकृत नारायण न्यौपाने, लेटाङ ९ का वडाध्यक्ष नन्द प्रसाद खतिवडा लगायतले ट्रफि तथा पुरस्कार वितरण गर्नुभयो ।
महिला र पुरुष दुवैतर्फका विजयी हुने टीमले ट्रफीसहित १५\१५ हजार र उपविजेता टीमले ट्रफी सहित १०\१० हजार नगद पाएका छन् । लेटाङ नगरपालिका ९ नम्बर वडा कार्यालयद्वारा आयोजित प्रतियोगितामा वडाका १३ वटा टोलबीच महिला र पुरुष दुवैतर्फको खेलमा प्रतिस्पर्धा भएको थियो ।