बाल दिवसका अवसरमा लिटिल फलावरमा सांस्कृतिक कार्यक्रम

कञ्चनरूप । देशभरी ६० औँ राष्ट्रिय बाल दिवस मनाइरहँदा सप्तरीको कञ्चनरूप नगरपालिका वडा नम्बर १२ लिटिल फलावर सेकेन्डरी स्कुल रूपनगरले सांस्कृतिक कार्यक्रम गरी बाल दिवस मनाएको छ ।
बालबालिकामा लगानी ,सुनिश्चित भविष्यको थालनी’ भन्ने मूल नाराका साथ लिटिल फलावरले आफ्नै प्राङ्गणमा सांस्कृतिक कार्यक्रमको आयोजना गरेको हो । 
सांस्कृतिक कार्यक्रम आयोजित नृत्य प्रतियोगितामा प्रथम, दोस्रो, तेस्रो र सान्त्वना हुले बालबालिकालाई प्रमुख अतिथि कञ्चनरूप नगरपालिकाका वडा नम्बर १२ कार्यवाहक वडा अध्यक्ष जैमुदिन मियाले पुरस्कार वितरण गरेका थिए ।
उक्त अवसरमा अभिभावक, शिक्षक तथा शिक्षिकाहरूको उपस्थिति रहेको थियो ।