कञ्चनरूप ।आगामी फागुन २१ गते हुन लागेको निर्वाचनका लागि सप्तरी जिल्लाका चारै निर्वाचन क्षेत्रमा शुक्रबार मुख्य निर्वाचन अधिकृत तथा निर्वाचन अधिकृतको कार्यालय स्थापना गरिएको छ।
सप्तरीका चारै निर्वाचन क्षेत्रमा निर्वाचन अधिकृतको कार्यालय स्थापना
३ माघ २०८२, शुक्रबार
जिल्ला निर्वाचन कार्यालयका अनुसार निर्वाचन क्षेत्र नम्बर १ को कार्यालय कञ्चनरूप नगरपालिका, निर्वाचन क्षेत्र नम्बर २ को राजविराज नगरपालिका, निर्वाचन क्षेत्र नम्बर ३ को शम्भुनाथ नगरपालिका र निर्वाचन क्षेत्र नम्बर ४ को खडक नगरपालिकामा स्थापना गरिएको हो।
आयोगले सार्वजनिक गरेको निर्वाचन कार्यतालिकाअनुसार माघ ६ गते उम्मेदवारको मनोनयनपत्र दर्ता, माघ ७ गते उम्मेदवारविरुद्ध उजुरी, माघ ८ गते उजुरीमाथि छानबिन तथा उम्मेदवारको नामावली प्रकाशन गरिनेछ। त्यसैगरी माघ ९ गते उम्मेदवारी फिर्ता, अन्तिम नामावली प्रकाशन तथा उम्मेदवारलाई निर्वाचन चिन्ह प्रदान गरिने कार्यतालिका रहेको जिल्ला निर्वाचन कार्यालयले जनाएको छ।
