योगेन्द्र कुमार रौनियार ( उमेश )
तिरहुत । सप्तरीको तिरहुत गाउँपालिकाले किसानहरूको कृषि मिटरमा उठेको विद्युत् महसुल एक मुष्ट रकम विद्युत प्राधिकरणलाई बुझाएको छ ।
गाउँपालिका अध्यक्ष विजय कुमार यादव, उपाध्यक्ष वीणा देवी यादव र प्रमुख प्रशासकीय अधिकृत ललन कुमार यादवले संयुक्त रुपमा किसानहरूको कृषि मिटरमा उठेको विद्युत् महसुल एक मुष्ट विद्युत प्राधिकरण कञ्चनपुर वितरण शाखाका कार्यालय प्रमुख अरुण कुमार साहलाई ९ लाख ६९ हजार ७ सय ९० रुपैयाँ ९५ पैसाको चेक हस्तान्तरण गरेका छन । गाउँ सभाले ४६०० किसानको विद्युत् महसुल छुट दिने भने पछि छुट दिएको अध्यक्ष यादवले बताए ।
साथै हालसम्म यहाँका किसानहरूले कृषि प्रयोजनका लागी प्रयोग गर्दै आएका खपत विद्युत महसुल गाउँपालिका बेहोर्ने कार्यक्रम अन्तरगत गरिएको पालिका अध्यक्ष यादवले बताए ।
‘किसानहरूले खपतको विद्युत रकम पालिकाले बेहोर्दा किसानहरू प्रत्यक्ष लाभान्वित भएका छन ।’ विगत देखी हाल सम्म किसानको कृषि मिटरमा रहेको वाँकि बक्यौता सबै रकमको चेक प्राधिकरणलाई हस्तान्तरण गरेको प्रमुख प्रशासकीय अधिकृत यादवले जानकारी दिए ।
