कञ्चनरूप । पूर्व–पश्चिम राजमार्गअन्तर्गत सप्तरीको अग्नीसाइर कृष्णासवरन गाउँपालिका–५ बक्धुवामा मङ्गलबार मोटरसाइकल दुर्घटना हुँदा वन कर्मचारीको मृत्यु भएको छ ।
सबडिभिजनल वन कार्यालय महुलीमा वनरक्षक पदमा कार्यरत रहेका हरेराम मण्डल प्र.२–०२–००२ नम्बरको मोटरसाइकलमा महुली तर्फ जाँदै दुर्घटनामा परी मृत्यु भएको प्रहरीले जनाएको छ । ५० वर्षीय मण्डल जिल्लाको तिलाठी कोइलाडी गाउँपालिका –७ मन्सापुर निवासी रहेको सप्तरीका प्रहरी प्रमुख प्रहरी उपरीक्षक ढकेन्द्र खतिवडाले जानकारी दिए । दुर्घटनामा घाइते भएका मण्डललाई राजविराजस्थित गजेन्द्रनारायण अस्पताल ल्याइएपछि चिकित्सकले उनलाई मृत घोषणा गरेका थिए । दुर्घटनाबारे थप अनुसन्धान भइरहेको प्रहरीले जनाएको छ ।
