कञ्चनरूप । जङ्गली हात्तीको आक्रमणबाट सप्तरीको धरमपुरमा शनिबार बिहान एक स्थानीयको मृत्यु भएको छ ।
कञ्चनरूप नगरपालिका वडा नं। १२ का ६६ वर्षीय केदार बहादुर विष्ट ( दशरथ) को हात्तीको आक्रमणमा परि शनिबार राति मृत्यु भएको हो ।
घर देखी ३०० मिटर पश्चिम तर्फ रहेको मकै रेखदेखको लागी खेतमा बसेका वेला हात्तीको आक्रमणमा परी शनिबार राति विष्टको ज्यान गएको हो ।
जङ्गली बँदेलले मकै खेतमा आउने भएकोले बँदेलले खेद्न खेतैमा बसेका विष्टलाई शनिबार राती करिब १ बजेको समयमा समूहमा आएका हात्तीले दाराले पछाडिबाट उनेर मारेको स्थानीय जनाएका छन ।
हात्ती नियन्त्रण गर्न प्रशासनले कुनै चासो नदेखाएको स्थानीयवासीले गुनासो गरेका छन् । अहिले हात्ती कञ्चनरूप लगायत जिल्लाका विभिन्न स्थानमा दिउँसो जङ्गलतर्फ हात्ती जाने राती वस्तीमा आउने गर्नाले यस क्षेत्रका बासिन्दाहरू रातभर जाग्राम बस्ने गरेका छन् ।
