कञ्चनरूप । सप्तरीको कञ्चनरूप अन्तर्गत पूर्वपश्चिम राजमार्गमा गाईघाटबाट काँकडभिट्टा जाँदै गरेको यात्रुवाहक बसले मोटरसाइकललाई ठक्कर दुर्घटनामा एक जनाको मृत्यु भएको छ भने घट्नामा २६ जना घाईते भएका छन् ।
उदयपुर सदरमुकाम गाईघाटबाट काँकडभिट्टा जाँदै गरेको बसले कञ्चनरूप नगरपालिका अन्तर्गत बरमझिया स्थित सुन्दरी पुल देखी अगाडि पूर्व तर्फा जादै गरेको प्रदेश १–०१–००१ ख ४१२६ नम्बरको बसले पश्चिम आँउदै गरेको स ५प १५९३ नम्बरको मोटरसाइकललाई ठक्कर दिएपछि बस पल्टिएको प्रहरीले जनाएको छ ।
इलाका प्रहरी कार्यालय कञ्चनपुरका अनुसार बस पल्टिँदा धनकुटाकी २१ वर्षीया मैयाँ राईको घटनास्थलमै मृत्यु भएको छ भने २६ जना घाईते भएको जनाएको छ ।
घाइते मध्येका ८ जनाको अवस्था गम्भीर रहेकोले उपचारका लागि विराटनगर पठाइएको उल्लेख छ । मोटरसाइकल चालक २५ वर्षीय सुमित पण्डित स्थानीय वरमझिया कै रहेको उल्लेख छ ।
अन्य १८ जनाको उपचार धर्मेश्वर अस्पतालमा भइरहेको छ । घटनास्थलमा इलाका प्रहरी कार्यालय कञ्चनपुर र सशस्त्र प्रहरी बल वरमझीयाको टोलीले घाइतेहरूको उद्धार गरेका थियो ।
