कञ्चनरूप । जन जागरण सहकारी संस्था कञ्चनरूप ६ जमुवा क्वाटर मलेटको २०औं वार्षिक साधारण सभा सम्पन्न गरेको छ ।
सभामा संस्थाका अध्यक्ष विनोद चौधरीले सञ्चालक समितिको तर्फबाट आव २०८०।०८१ को वार्षिक प्रगति प्रतिवेदन तथा आव २०८१।०८२ को लागि नीति तथा कार्यक्रम, लक्ष्य र बजेट प्रस्तुत गरेका थिए । संस्थाको आर्थिक वर्ष २०८०।०८१ मा सेयर पुँजी तर्फ १० लाख ५३ हजार ८ सय रुपैयाँ कायम हुन गएको उल्लेख गरिएको छ ।
संस्थाले बचततर्फ १ करोड ८६ लाख ९९ हजार २ सय २३ रुपैयाँ सङ्कलन गरेको बताउँदै आगामी वर्षमा वार्षिक कारोबार २ करोड ०७ लाख ८ हजार ५ सय रुपैयाँ पु¥याउने लक्ष्य रहेको उल्लेख छ ।
संस्थाले अन्य सहकारीको बीचमा नमुना सहकारीको रूपमा आफूलाई स्थापित गर्न सफल भएको संस्थाका अध्यक्ष विनोद चौधरीले जानकारी दिए ।
संस्था आर्थिक वर्ष २०८०÷०८१ सम्म आईपुग्दा संस्थामा ४ सय ४८ जना सेयर सदस्यहरू आवद्ध छन् । जसमा महिला २७५ पूरुष १७३ रहेका छन । बचततर्फ आर्थिक वर्ष २०८०।०८१मा १ करोड ८६ लाख ९९ हजार २ सय २३ रुपैयाँ, कर्जा लगानी ७८ लाख ५८ हजार रुपैयाँ, बचत फिर्ता १ करोड ४९ लाख १४ हजार ५ सय ३६ रुपैयाँ रहेको संस्थाको प्रतिवेदनमा उल्लेख छ । संस्थाको कुल आम्दानी १५ लाख ४३ हजार ५ सय ७५ रुपैयाँ ७९ पैसा रहेकोे प्रतिवेदनमा उल्लेख छ ।
साधारणसभाका प्रमुख अतिथि कञ्चनरूप नगरपालिकाका नगर प्रमुख ललन प्रसाद गुप्तले समाजमा सहकारी प्रति नकारात्मक समाचार मात्र आइरहेको बेलामा यस सहकारी अब्बल संस्थाहरूको सकारात्मक समाचार आउनु सुखद् भएको बताए ।
साधारणसभामा कञ्चनरूप नगरपालिका वडा नं। ६ का वडा अध्यक्ष बच्चुलाल चौधरी , वडा नं। ठ का वडा अध्यक्ष समानन्द चौधरी , मनोकामना महिला सहकारीकी अध्यक्ष भोज कुमारी कार्की , गोरराजा बाबा मन्दिर व्यवस्थापन समिति अध्यक्ष , मुखीलाल चौधरी, शिव पार्वती भजनेश्वर मन्दिर व्यवस्थापन समिति अध्यक्ष , लखन प्रसाद चौधरी, पत्रका अनिल पोखरेल लगायतले मन्तव्य राखेका थिए । भने संस्थाका शेयर सदस्य देवनन्दन चमारलाई मरणो उपरान्त नगद ५ हजारले सम्मान गर्दै श्रद्धाञ्जली अर्पण गरिएको थियो ।
साधारण सभा सभामा संस्थाका अध्यक्ष विनोद चौधरीको अध्यक्षतामा सम्पन्न भएको थियो ।
