कञ्चनरूप । सप्तरीको कञ्चनरूप नगरपालिका ५ पडेमारामा आगलागीबाट घर नष्ट भएका अग्निपीडितलाई नेपाल बाँतर सरदार समाज कल्याणकारिणी सप्तरी समिति र नेपाल बाँतर सरदार समाज उत्थान केन्द्र सप्तरी समितिले राहत स्वरूप भाडा वर्तन प्रदान गरेका छन ।
बाँतर सरदार समाज र सप्तरीको कञ्चनरूप नगरपालिका ५ पडेमारा टोलका अग्निपीडित १६ परिवारलाई स्वरूप भाडा वर्तन प्रदान लगायत सामग्री प्रदान गरेको हो । बाँतर सरदार समाजले खाना पखाउने भाडो - १ थान, कराइ-१ थान , आरि -१ थान , डोल -१ थान ,जग -१ थान , डाडु- १ थान, पन्यु - १ थान ,गिलास - २थान , थाल -३ थान , बेल्ना चक्ला -१ थान,चुलेसी -१ थान , रहि - १ थान प्रदान गरेको नेपाल बाँतर सरदार समाज उत्थान केन्द्रका महा सचिव श्याम सुन्दर सरदारले बताए ।
गत बैशाख ९ गते दिउँसो पडेमारामा आगलागीले २४ घर, त्यहाँ रहेको अन्नपात, लत्ताकपडा, चौपाया जलेर करिब २५ लाख बराबरको क्षति भएको प्रहरीको तथ्यांक छ । हावाहुरीको मौसममा अचानक भएको आगलागीले एकछिनमै टोल भरिकै घर जलाइदिएको थियो । कञ्चनपुर, हनुमाननगर र राजविराज नगरपालिका तथा नेपाल प्रहरीको गरी चार दमकलका साथै नेपाल प्रहरी, सशस्त्र प्रहरी, नेपाली सेना र स्थानीयको सहयोगमा करिब डेढ घण्टापछि आगलागी नियन्त्रणमा आएको थियो । यो गाउँमा पछिल्लो दुई दशकमा ६ पटक आगलागी भइसकेको छ ।
