काठमाडौँ । नेकपा एकीकृत समाजवादीको दशौं महाधिवेशनमा ९३ जना केन्द्रीय कमिटी घोषणा गरिएको छ ।
विहीबार नै सर्वसम्मत रुपमा अध्यक्ष माधवकुमार नेपाल र महासचिवमा घनश्याम भुसाल र सम्मानित नेता झलनाथ खनाल घोषणा गरेका थिए । शुक्रबार ९३ जना केन्द्रीय कमिटी सदस्य घोषणा गरिएको छ ।
प्रदेशगत रूपमा अन्य केन्द्रीय सदस्यहरू पनि घोषणा गर्दै जाने योजना समाजवादीको छ । पदाधिकारी पनि घोषणा गरिने एकीकृत समाजवादीका महासचिव घनश्याम भुसाल बताउँछन् ।
एकीकृत समाजवादीको विधानमा २१ पदाधिकारीसहित २९९ सदस्यीय केन्द्रीय कमिटी गठन गर्ने व्यवस्था छ । यद्यपि दशौँ महाधिवेशनमा केन्द्रीय कमिटी ३९९ सदस्यीय र पदाधिकारी २९ पुर्याउने गरी संशोधन प्रस्ताव राखिएको छ ।
नेताहरू बीच सहमति नजुटेपछि विधानअनुसारको बाँकी १८ पदाधिकारी चयन भएन । नवनिर्वाचित केन्द्रीय कमिटीको बैठक शनिबार बसेर बाँकी नेताहरू छानेर केन्द्रीय कमिटीलाई पूर्णता दिने तयारी छ ।
