कञ्चनरूप । सप्तरीको सुरुङा नगरपालिका वडा नं। ३ लक्ष्मीपुर पदमनगरमा २ सय मेट्रीक टनको कोल्ड स्टोर, ड्रम, कलर समेत ६ वटा उद्योग सञ्चालन हुने भएको छ ।
आज नेपाल कम्युनिस्ट पार्टी ( एकीकृत समाजवादी ) का सम्मानित नेता एवं पूर्वप्रधानमन्त्री झलनाथ खनालले सुरुङा नगरपालिका वडा नं। ३ लक्ष्मीपुर पदमनगरमा बिग ट्रस्टिजको शिलान्यास गरेका छन ।
उद्योग ग्राममा फलफूलको पल्प निकाल्ने, शिशा, बिटुमिन, २ सय मेट्रिक टनको कोल्ड स्टोर, ड्रम, कलर समेत ६ वटा उद्योग सञ्चालन हुने छ । उद्योगमा एक सिफ्टमा ५ सय जनाले रोजगारी पाउने भएका छन । यो उद्योग सञ्चालनमा आएपछि सप्तरी लगायतका जिल्लाका किसानहरूले आँप बिक्री नभएर भोग्दै आएको समस्याबाट केही हद सम्म राहत पाउने उद्योगपति विरेन्द्र न्यौपाने बताएका छन ।
शिलान्यास कार्यक्रममा मधेश प्रदेशका पूर्व कृषि तथा सहकारी मन्त्री गोविन्द न्यौपाने , सुरुङा नगरपालिकाकी नगर प्रमुख गीता चौधरी , उद्योगपति रमेश मुरारका लगायत स्थानियहरुको उपस्थिति रहेको थियो ।
