लेटाङ । लेटाङ जाँतेबाट पथरीसम्म जोड्ने, पथरी जाँते ज्यामिरे सडकखण्डको रुख हटाउने विषयमा लेटाङ नगरपालिकाले पहल थालेको छ ।
रुख हटाउनका लागि सो सडक, पुरानै सडक भएको प्रमाण पेश गर्नुपर्ने र त्यसका लागि तत्कालिन जाँते गाविस हुँदा जिल्ला विकास समितिबाट विनियोजित बजेटबाट काम गरिएको भन्ने प्रमाण चाहिने भनिएपछि लेटाङ नगरपालिकाले त्यस प्रकारका कागजात संकलन गरेको छ ।
कागजात संकलन पश्चात जिल्ला समन्वय समिति मोरङका प्रमुख अजम्बर राई सहितको टोलीलाई जाँतेमा बोलाएर सर्जिमिन गरि प्रकृया अघि बढाइएको हो । अब ति सबै कागजपत्र वन मन्त्रलयामा पेश गरेपछि रुख हटाउने प्रकृया अघि बढ्ने बताइएको छ ।
पथरी जाँते ज्यामिरे सडकको रुख नहटाउँदा जाँते पथरी सडकखण्डको केही ठाउँमा कालोपत्रे गर्न बाँकी छ भने सडक छेउमै रुख हुँदा दुर्घटनाको जोखिम बढेको छ । यता जाँतेबजारदेखि ज्यामिरसम्म ठेक्का लागेको लामो समय भइसक्दा समेत कुनैपनि काम अघि बढ्न सकेको छैन ।
पथरी जाँते ज्यामिरे सडकको रुख हटाउने विषयमा लेटाङ नगरपालिकासँग आवश्यक समन्वय र सहयोग गरिरहनु भएका लेटाङ ८ जाँते निवासी सोमनाथ दाहालसँग हामीले यसै विषयमा कुराकानी गरेका छौं । हेर्नुहोस् उहाँको भनाइ जस्ताको तस्तै ।
