कञ्चनरूप । तराई–मधेस क्षेत्रमा एक साता देखि अधिकतम तापक्रम ३८ देखि ४३ डिग्री सेल्सियसको हाराहारीमा पुग्न थाले पछि जनजीवन प्रभावित बनेको छ ।
सूर्योदय भएसँगै साँझसम्म नै एकनासले टन्टलापुर घाम लाग्दा अत्यधिक गर्मी भई जनजीवन प्रभावित बनका छ भने गर्मीका कारण विद्यालय, उद्योग व्यवसाय सबै प्रभावित भएका छन् । चर्को घामका कारण घर बाहिर निस्कनै मुस्किल पर्ने गरेको स्थानीयले बताएका छन् ।
गर्मीले दिउँसोको समयमा मुख्य बजारका सडक सुनसान हुन थालेका छन् । सरकारी कार्यालयमा सेवाग्राहीको सङ्ख्या घटेको छ ।
केही दिन यता गर्मी बढेसँगै सप्तरीको कञ्चनरूप नगरपालिका अन्तर्गत विद्यालयहरूमा बिदा दिएको छ । कञ्चनरूप नगरपालिकाले गर्मीका कारण विद्यालयमा अध्ययनरत प्रभावित हुन थाले पछि सोमबार एक सूचना जारी गर्दै असोज ८ र ९ गते सबै विद्यालयहरू बन्द राख्न आव्हान गरेको ।
अत्यधिक बढेको गर्मीकै कारण मङ्गलबार र बुधबार गरी दुई दिन विद्यालय बन्द राख्न भन्दै गर्मी यथावत रहेमा विहीवार अर्थात असोज १० गते देखि १६ गतेसम्म बिहानी कक्षा सञ्चालन गर्नु गराउनु हुन नग प्रमुख ललन प्रसाद गुप्ताको हस्ताक्षर सूचना उल्लेख छ ।
