कञ्चनरूप । चार वर्षीय नाबालक छोरालाई विषादी खुवाई हत्या गरेको आरोपमा राजविराज नगरपालिका–१, चनौरा पडरियाकी काजलकुमारी साफीलाई प्रहरीले पक्राउ गरेको छ।
आइतबार घरबाटै पक्राउ परेकी साफीमाथि आफ्नै छोरा सौरभको हत्या गरेको आरोप छ। मृतकका हजुरबुवा मणिलाल साफीको जाहेरीका आधारमा २०८२ वैशाख १९ गते सप्तरी जिल्ला अदालतबाट पक्राउ अनुमति लिई उनलाई नियन्त्रणमा लिइएको जिल्ला प्रहरी कार्यालय सप्तरीले जनाएको छ।
प्रहरीले कर्तव्य ज्यान कसुरमा ७ दिनको म्याद लिएर थप अनुसन्धान अघि बढाएको छ।
