कञ्चनरूप । सप्तरीको कञ्चनरूप नगरपालिकामा बेवारिसे अवस्थामा एक नवजात शिशु फेला परेको छ। शुक्रबार साँझ करिब ७ः३० बजेको समयमा कञ्चनरूप नगरपालिका–१२ धरमपुरमा एकदुई दिनकी नवजात बालिका रोइरहेको अवस्थामा भेटिएकी हुन्।
स्थानीयका अनुसार मोहन खड्काको घरदेखि करिब ३० मिटर उत्तरतर्फ रहेको शौचालयको दाहिनेपट्टि कपडामा बेरेर छाडिएको अवस्थामा नवजात शिशु फेला परेको हो। शिशुको सालनाल काटिएको, डाइपर लगाइएको र सामान्य कपडामा बेरेर राखिएको अवस्था देखिएपछि स्थानीयले तत्काल उद्धार गरेका थिए।
उद्धारपछि शिशुलाई उपचारका लागि स्थानिय धम्ृेश्वर अस्पतालमा लगिएको थियो। तर स्वास्थ्य अवस्थामा अपेक्षित सुधार नआएपछि थप उपचारका लागि धरानस्थित वी।पी। कोइराला स्वास्थ्य विज्ञान प्रतिष्ठानमा रेफर गरिएको इलाका प्रहरी कार्यालय कञ्चनपुरका प्रहरी नायब उपरीक्षक माधवप्रसाद काफ्लेले जानकारी दिएका छन्।
हाल नवजात शिशुको उपचार जारी रहेको र अवस्था चिकित्सकको निगरानीमा रहेको प्रहरीले जनाएको छ। शिशुलाई कसले र किन बेवारिसे अवस्थामा छाड्यो भन्ने विषयमा प्रहरीले अनुसन्धान सुरु गरेको छ।
