कञ्चनरूप । सप्तरीको कञ्चनपुर स्थित इलाका प्रहरी कार्यालयमा आएका नव नियुक्त प्रहरी नायब उपरीक्षक माधव प्रसाद काफ्लेले सेवाग्राहीलाई कार्यकक्षको ढोका सधैँ खुला रहको बताएका छन ।
सेवाग्राहीलाई प्रहरीको कार्यकक्ष सधैँ खुला रहने :उपरीक्षक काफ्ले
१० चैत्र २०८१, सोमबार
उपरीक्षक काफ्ले सोमबार स्थानीय पत्रकारहरूसँगको परिचयात्मक कार्यक्रममा सेवाग्राहीलाई सहज र बिचौलिया मुक्त सेवा प्रदान गर्ने आफू कटिवद्ध रहेको बाएका छन ।
सर्वसाधारणले सेवाकालागी कुनै पनि बिचौलियाको भर पर्नुपर्ने अवस्थाको अन्त्य गर्ने र समस्यामा परेका सेवाग्राहीले गुनासाहरू लिएर प्रत्यक्ष मसँग सम्पर्क गर्न सक्ने वातावरण निर्माण गर्ने बताएका छन ।
कार्यालय परिसरमा ’बिचौलियाहरूलाई प्रवेश निषेधको सूचना बोर्डसमेत राखिने उपरीक्षक काफ्लेले बताए ।
कार्यक्रममा स्थानीय पत्रकारहरूले उठाएका प्रश्नहरूलाई सम्बोधन गर्दै प्रतिबद्ध रहेर कानूनको पालना र पारदर्शी सेवा प्रदान गर्न सधैँ तत्पर रहने उल्लेख गरे ।
परिचयात्मक कार्यक्रममा कञ्चन२४डटकमका सम्पादक अनिल पोखरेल , पत्रकार महासङ्घका सदस्य द्वय उत्तम आचार्य , शिव आचार्य , पत्रकारहरू भोला पासवान , राजकुमार पासवान, किशोर पासवान, अनिष शेख, कैलाश माझी लगायतको उपस्थिति रहेको थियो ।
