कञ्चनरूप । सप्तरीको कञ्चनरूप नगरपालिका वडा नं।९मा विहीवार वडा स्तरीय विपद् व्यवस्थापन समिति बैठक तथा एक दिवसीय अनुशिक्षण कार्यक्रम सफलतापूर्वक सम्पन्न भएको छ । कार्यक्रममा विपद् पूर्वतयारी, प्रतिकार्य, पुनःस्थापना तथा जोखिम न्यूनीकरण सम्बन्धी विषयमा छलफल गरिनुका साथै सहभागीहरूलाई विपद् व्यवस्थापन सम्बन्धी आवश्यक ज्ञान प्रदान गरिएको थियो ।
कार्यक्रममा प्रमुख अतिथिका रूपमा कञ्चनरूप नगरपालिका प्रमुख अतिथि उद्घाटन मन्तव्य दिँदै विपद् व्यवस्थापनमा स्थानीय तहको सक्रियता र समन्वयको आवश्यकता औँल्याएका थिए भने प्रमुख अतिथि खड्काले विपद् व्यवस्थापनमा स्थानीय तहको भूमिका महत्वपूर्ण रहेको उल्लेख गर्दै यस किसिमका कार्यक्रमले स्थानीयस्तरमा जनचेतना र क्षमता विकासमा योगदान पु¥याउने विश्वास व्यक्त गरेका थिए । कार्यक्रममा ९ नं। का वडा अध्यक्ष रामसुन्दर यादवको अध्यक्षतामा अध्यक्षतामा बैठक सम्पन्न भएको थियो भने अध्यक्ष यादवले विपद् व्यवस्थापन समितिलाई अझ सक्रिय र प्रभावकारी बनाउने प्रतिबद्धता जनाए
उक्त बैठकमा समिति सदस्यहरू, स्थानीय स्वयंसेवक, महिला समूह, युवा क्लब, विद्यालय प्रतिनिधि तथा अन्य सरोकारवालाहरूको सक्रिय सहभागिता रहेको थियो । सहभागीहरूलाई विपद्को समयमा प्राथमिक उपचार, सुरक्षित स्थानको व्यवस्थापन, राहत सामग्रीको वितरण प्रक्रिया तथा स्थानीय स्रोत साधन परिचालन गर्ने विषयमा जानकारी दिइयो ।
कार्यक्रमको अन्त्यमा विपद् व्यवस्थापन समितिको संरचना पुनर्गठन गर्ने, कार्ययोजना बनाउने तथा आगामी दिनमा नियमित अभ्यास तथा प्रशिक्षण गर्ने निर्णय समेत गरिएको छ । सहभागीहरूले यस्ता कार्यक्रमले व्यवहारिक ज्ञान प्रदान गर्नुका साथै स्थानीय तहमा विपद् व्यवस्थापनलाई अझ सशक्त बनाउन सहयोग पु¥याउने धारणा व्यक्त गरे ।
